Gürcüstanın Baş naziri ABŞ senatoru ilə regiondakı vəziyyəti müzakirə edib
Tbilisi, 30 may, AZƏRTAC
Gürcüstanın Baş naziri İrakli Kobaxidze ABŞ Senatının Xarici Əlaqələr Komitəsinin üzvü, senator Stiv Dayns ilə görüşüb.
Bu barədə AZƏRTAC-a Gürcüstan hökumətinin administrasiyasından məlumat verilib.
Bildirilib ki, görüşdə Gürcüstan-Amerika münasibətləri, Gürcüstanın regiondakı rolu, ölkədəki siyasi vəziyyət müzakirə olunub.
Regiondakı mövcud vəziyyət də diqqət mərkəzində olub. Gürcüstanın regionda sülhün və sabitliyin təmin edilməsində rolu, ölkənin tranzit potensialı vurğulanıb.
Görüşdə, həmçinin Gürcüstandakı siyasi proseslər müzakirə olunub. Hökumət başçısı qeyd edib ki, ölkədə siyasi sabitlik təmin olunub və bunun qarantı Gürcüstan hakimiyyətidir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
