Gürcüstanın xarici ticarət dövriyyəsi 14,8 faiz azalıb
Tbilisi, 14 yanvar, AZƏRTAC
Gürcüstanın xarici ticarət dövriyyəsi 2020-ci ildə 11,37 milyard ABŞ dolları təşkil edib. Bu da 2019-cu illə müqayisədə 14,8 faiz azdır.
AZƏRTAC xəbər verir ki, bu barədə Gürcüstanın Milli Statistika İdarəsinin ilkin hesabatında deyilir.
Bildirilir ki, ötən il Gürcüstanın xarici ticarətində ixracın dəyəri 12 faiz azalaraq 3,34 milyard dollar, idxalın dəyəri isə 15,9 faiz geriləyərək 8 milyard dollar olub.
İl ərzində Gürcüstanın xarici ticarətində 4,66 milyard dollarlıq kəsir yaranıb ki, bunun da ümumi ticarət dövriyyəsindəki payı 41,1 faizə bərabərdir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
