Hanoya on ayda 28 milyondan çox turist gəlib
Bakı, 28 oktyabr, AZƏRTAC
Vyetnamın paytaxtı Hanoy 2025-ci ilin ilk on ayında 28,2 milyona yaxın turisti qəbul edib ki, bu da bütövlükdə ötən il gələnlərin ümumi sayından (27,8 milyon nəfər) çoxdur.
AZƏRTAC Vyetnam İnformasiya Agentliyinə (VNA) istinadla xəbər verir ki, həmin dövr ərzində Hanoya gələn xarici turistlərin sayı təxminən 22 faiz artaraq 6,2 milyon nəfərə çatıb. Ümumi turizm gəlirləri isə ötən ilin yanvar-oktyabr ayları ilə müqayisədə 20 faiz artaraq 110 trilyon Vyetnam donqu (təxminən 4,22 milyard ABŞ dolları) təşkil edib.
Hanoy 2025-ci ildə 7,5 milyonu əcnəbilər olmaqla, 31 milyon turisti qəbul etməyi qarşısına məqsəd qoyub.
Agentliyin verdiyi məlumata görə, Vyetnam bu il 25 milyon xarici turist cəlb etməyi, daxili səfərlərin sayını isə 130 milyona çatdırmağı planlaşdırır.
Bölmənin digər xəbərləri
