MƏDƏNİYYƏT
Həftəsonu Musiqili Teatrda maraqlı tamaşalar göstəriləcək
Bakı, 18 oktyabr, AZƏRTAC
Azərbaycan Dövlət Musiqili Teatrı həftəsonu maraqlı tamaşalarla çıxış edəcək.
Sənət ocağından AZƏRTAC-a bildirilib ki, oktyabrın 20, 21, 22-də saat 12.00 və 19.00-da “O olmasın, bu olsun”, “Düyməcik”, “999-cu gecə”, “Meşə çaqqalsız olmaz” və “Qızıl cücə” tamaşaları təqdim ediləcək.
Tamaşaçılar nümayiş olunacaq səhnə əsərlərində sevimli aktyorları - Əməkdar artistlər Novruz Qartal, Svetlana Bulax, Səidə Şərifəliyeva, Şövqi Hüseynov, aktyorlar Firuz Məmmədov, Marina Litvinenko, Nadir Xasıyev, Ağaxan Şərifov və digərlərini görə biləcəklər.
Qeyd edək ki, “Düyməcik”, “Qızıl cücə” və “Meşə çaqqalsız olmaz” tamaşaları teatrın rusdilli və balaca tamaşaçıları üçün nəzərdə tutulub.
Bölmənin digər xəbərləri
