Həndbol üzrə Azərbaycan millisi Avropa çempionatına hazırlığı davam etdirir
Bakı, 5 may, AZƏRTAC
Həndbol üzrə 17 yaşadək qızlardan ibarət Azərbaycan millisi Avropa çempionatına hazırlığı davam etdirir.
Azərbaycan Həndbol Federasiyasının mətbuat xidmətindən AZƏRTAC-a bildiriblər ki, hazırda Tbilisidə təlim-məşq toplanışında olan komandamız gürcüstanlı həmyaşıdları ilə yoxlama matçında qüvvəsini sınayıb. Qarşılaşma həndbolçularımızın 31:15 hesablı qələbəsi ilə yekunlaşıb.
Qeyd edək ki, 17 yaşadək qızların Avropa çempionatı avqustun 5-dən 13-dək Bakıda keçiriləcək. Millimiz "A" qrupunda Bosniya və Herseqovina, Sloveniya, Litva və Gürcüstan kollektivləri ilə yarışacaq.
Bölmənin digər xəbərləri
