Həndbol üzrə U-17 komandamız gürcüstanlı həmyaşıdlarına qalib gəlib
Bakı, 4 may, AZƏRTAC
Həndbol üzrə 17 yaşadək qızlardan ibarət Azərbaycan millisi Avropa çempionatına hazırlığı davam etdirir. Tbilisidə təlim-məşq toplanışında olan komandamız gürcüstanlı həmyaşıdları ilə yoxlama matçında gücünü sınayıb.
AZƏRTAC Azərbaycan Həndbol Federasiyasına istinadla xəbər verir ki, qarşılaşma həndbolçularımızın 31:15 hesablı qələbəsi ilə yekunlaşıb.
Qeyd edək ki, 17 yaşadək qızların Avropa çempionatı avqustun 5-dən 13-dək Bakıda keçiriləcək. Millimiz A qrupunda Bosniya və Herseqovina, Sloveniya, Litva və Gürcüstan kollektivləri ilə yarışacaq.
Bölmənin digər xəbərləri
