HƏNDBOLÇULARIMIZ İKİNCİ GÖRÜŞDƏ DƏQƏLƏBƏ QAZANDILAR
AZƏRTAC xəbər verir ki, Portuqaliyanın Laqos şəhərində qadınlar arasında Avropa həndbol çempionatının qrup seçmə yarışları davam edir. Yunanıstan, Slovakiya, Finlandiya, Litva və meydan sahibi Portuqaliya milli komandaları ilə bir qrupda yarışan yığma komandamız keçirdiyi iki görüşü qələbə ilə başa vurmuşdur. İlk oyunda Yunanıstan seçmə kollektivi ilə qarşılaşan Valeri Pevnitskinin yetirmələri çətin mübarizədə 28:27 hesabı ilə qələbə qazanmışlar. Finlandiya yığması ilə görüşdə isə qızlarımız əzmkar oyunları sayəsində rəqibi 35:24 hesabı ilə məğlub etmişlər.
İki görüşdən sonra yığmamız 4 xalla turnir cədvəlinə başçılıq edir. Hərəyə 3 xal toplayan Portuqaliya və Slovakiya milliləri, müvafiq olaraq, ikinci-üçüncü yerləri bölüşürlər.
Komandamız noyabrın 25-də Litva yığması ilə keçirəcəyi üçüncü oyunda da qalib gəlsə, pley-off mərhələsinə vəsiqəni təmin edəcəkdir.
Bölmənin digər xəbərləri
