Hesablama Palatasının sədri: Dövlət satınalmalarında səmərəlilik, vaxt prinsipi əsas məsələlərdəndir
Bakı, 22 iyun, AZƏRTAC
Dövlət satınalmalarında səmərəlilik, vaxt prinsipi əsas məsələlərdəndir.
AZƏRTAC xəbər verir ki, bunu Hesablama Palatasının sədri Vüqar Gülməmmədov Milli Məclisin İqtisadi siyasət, sənaye və sahibkarlıq komitəsinin iyunun 22-də keçirilən iclasının gündəliyində birinci oxunuşda müzakirəyə çıxarılan “Dövlət satınalmaları haqqında” qanun layihələrinə münasibət bildirərkən deyib.
Satınalmalarla bağlı hesabatlılıqdan danışan Vüqar Gülməmmədov diqqətə çatdırıb ki, bu, şəffaflığın təmin olmasına imkan verəcək.
Ehtimal olunan qiymət məsələlərindən danışan Hesablama Palatasının sədri median qiymətin önəmini qeyd edərək bildirib ki, yeni qanun layihəsində “ehtimal olunan qiymət” əvəzinə “tənzimlənən qiymət” yazılması daha məqsədəuyğun olardı.
“Postsovet ölkələrində satınalmalarda fərqləndirmə 20 faiz götürülür, inkişaf etmiş ölkələrdə bu rəqəm 5 faizdir. Fərqləndirmənin 20 faizdən çox olması bunun median qiymətləndirmə olmadığını göstərir”, - deyə Vüqar Gülməmmədov bildirib.
Bölmənin digər xəbərləri
