HEYDƏR ƏLİYEV MUZEYİNDƏ TAMAMLAMA İŞLƏRİ APARILIR
Ümummilli liderimiz Heydər Əliyevin Şəmkirə hər səfəri unudulmaz xatirəyə çevrilmişdir. Ulu öndərin rayon sakinləri ilə keçirdiyi görüşlər indi də məhəbbətlə yad edilir. Bu xoş anları əbədiləşdirmək, dahi şəxsiyyətlə səmimi görüşləri gələcək nəsillərə çatdırmaq məqsədi ilə rayonda onun adını daşıyan muzey binası tikilmişdir. Ikimərtəbəli, yaşıllıqla əhatə olunmuş muzey 12 otaqdan ibarətdir.
Rayon icra hakimiyyətindən AZƏRTAC-ın müxbirinə bildirmişlər ki, muzeydə dahi rəhbərin ömür yolu, fəaliyyəti əks olunacaq, Şəmkirə səfərlərinə üstünlük veriləcəkdir. Hazırda muzeydə son tamamlama işləri görülür.
