“Heydər Əliyevin dövlətçilik idealları və müasir gənclik” mövzusunda respublika konfransı keçiriləcək
Bakı, 19 iyun, AZƏRTAC
Azərbaycan Milli Elmlər Akademiyasının (AMEA) Gənc Alim və Mütəxəssislər Şurası və Gəncə Bölməsinin təşkilatçılığı ilə Ümummilli Lider Heydər Əliyevin 100 illik yubileyinə həsr olunmuş “Heydər Əliyevin dövlətçilik idealları və müasir gənclik” mövzusunda respublika konfransı keçiriləcək.
Bu barədə AZƏRTAC-a AMEA-dan bildirilib. Konfransın plenar iclası iyunun 22-si saat 11:00-da AMEA-nın əsas binasının dairəvi zalında baş tutacaq.
Respublika konfransında gənc alim və mütəxəssislər Ulu Öndər Heydər Əliyevin həyat və fəaliyyətinə həsr olunan müxtəlif mövzularda məruzələrlə çıxış edəcəklər. Konfrans iyun ayının 24-ə qədər davam edəcək.
Bölmənin digər xəbərləri
