Hindistanda dəhşətli yol qəzası: 22 nəfər ölüb, 10 nəfər yaralanıb
Bakı, 24 fevral, AZƏRTAC
Hindistanın Uttarhand ştatında zəvvarları daşıyan qoşqulu traktorun yol kənarındakı gölə aşması nəticəsində səkkizi uşaq olmaqla, azı 22 nəfər həlak olub, 10 nəfər yaralanıb.
AZƏRTAC xəbər verir ki, traktorun sürücüsü qarşıdan gələn avtomobillə toqquşmadan yayınmağa çalışarkən idarəetməni itirib və nəqliyyat vasitəsi yoldan çıxaraq qoşqu ilə birlikdə gölə aşıb.
Zəvvarlar yerli dini bayram münasibətilə hindular arasında müqəddəs sayılan Qanq çayına girmək üçün Haridvar şəhərinə gedirdilər .
Hakimiyyət orqanları həlak olanların yaxınlarına pul kompensasiyası verəcəklərini vəd ediblər.
Bölmənin digər xəbərləri
