Hörmüz boğazında gərginlik: ABŞ-nin təyyarədaşıyan gəmisi Oman körfəzinə daxil olub
Bakı, 14 aprel, AZƏRTAC
ABŞ Hərbi Dəniz Qüvvələri Ərəb dənizində 14 hərbi gəmi yerləşdirib və onlardan Hörmüz boğazının blokadası üçün istifadə edilə bilər.
AZƏRTAC xəbər verir ki, Birləşmiş Ştatların Hərbi Dəniz İnstitutunun məlumatına görə, regionda doqquz raket esminesi, bir sahil döyüş gəmisi, üç böyük desant gəmisi və “USS Abraham Lincoln” təyyarədaşıyan gəmisi yerləşdirilib.
BBC telekanalı Avropa peyk görüntülərinə istinadla bildirib ki, təyyarədaşıyan gəmi və iki raket esminesi Oman körfəzinə daxil olub və Hörmüz boğazının şərqində yerləşib. Bu, İrana qarşı hərbi əməliyyatın başlamasından bəri ilk dəfə olaraq Amerika təyyarədaşıyan gəmisinin körfəzə girdiyi ən yaxın məsafədir.
Mərkəzi Komandanlığın (CENTCOM) məlumatına görə, Hörmüz boğazının blokadasının aprelin 13-də başlaması planlaşdırılırdı. Komandanlıq bildirib ki, Amerika qüvvələri boğaz vasitəsilə İrandan kənar limanlara və əksinə hərəkət edən tankerlərin naviqasiya sərbəstliyinə mane olmayacaq.
Bölmənin digər xəbərləri
