İcazəsiz ov edənlər saxlanılıblar
Bakı, 1 oktyabr, AZƏRTAC
Ekologiya və Təbii Sərvətlər Nazirliyinin Su Hövzələrində Bioloji Resursların Artırılması və Mühafizəsi Departamentinin əməkdaşları Xəzər dənizinin sahil zolağında - Sumqayıt şəhərinin Bağlar qəsəbəsi istiqamətində qadağan olunmuş sintetik torla balıq ovlayan şəxsləri saxlayıblar.
Nazirliyin mətbuat xidmətindən AZƏRTAC-a verilən xəbərə görə, araşdırma zamanı icazəsiz ov edənlərin Sumqayıt şəhər sakinləri Kamran Xudaverdiyev və İlham İsmayılov olduğu müəyyənləşib. Onlardan balıq və ov alətləri götürülüb.
Faktla bağlı brakonyerlər barəsində cərimə qərarının çıxarılması və qanunauyğun tədbir görülməsi üçün toplanmış sənədlər Sumqayıt Şəhər Məhkəməsinə göndərilib.
Bölmənin digər xəbərləri
