İki kiloqramdan çox narkotik vasitə qanunsuz dövriyyədən çıxarılıb
Bakı, 25 iyul, AZƏRTAC
Biləsuvar Rayon Polis Şöbəsinin əməkdaşlarının keçirdikləri növbəti əməliyyat-axtarış tədbirləri nəticəsində 2 kiloqramdan artıq narkotik vasitə aşkarlanaraq qanunsuz dövriyyədən çıxarılıb.
Daxili İşlər Nazirliyinin mətbuat xidmətindən AZƏRTAC-a bildiriblər ki, narkotik vasitələrin qanunsuz dövriyyəsində şübhəli bilinən Suraxanı rayon sakinləri N.Manaflı və B.Nəcəfov Biləsuvar Rayon Polis Şöbəsinin əməkdaşlarının daxil olmuş məlumat əsasında keçirdikləri əməliyyat tədbirləri nəticəsində rayon ərazisində saxlanılaraq Polis Şöbəsinə gətiriliblər.
Keçirilən şəxsi axtarış zamanı N.Manaflının üzərindən və əlindəki plastik qutudan ümumilikdə 2 kiloqramdan çox heroin aşkarlanaraq götürülüb.
Faktla bağlı araşdırma aparılır.
Bölmənin digər xəbərləri
