İlk dəfə səs verəcək gənc: Azərbaycan üçün ən layiqli namizədə səs verəcəyəm
Astara, 12 yanvar, İlkin Adıyev, AZƏRTAC
Fevralın 7-nə təyin edilmiş növbədənkənar prezident seçkilərində ilk dəfə səs verəcəyəm. Bu hadisə həyatımda unudulmaz günlərdən biri olacaq.
Bu sözləri AZƏRTAC-ın bölgə müxbirinə müsahibəsində gənc tarixçi Nazənin Ramazanlı söyləyib.
İlk dəfə seçkilərdə iştirak edəcək astaralı gənc həm həyəcanlı, həm də qürurlu olduğunu bildirib.
“Mənim 21 yaşım var, hazırda tarix müəllimi işləyirəm. Bu il ilk dəfə olaraq seçkilərdə iştirak edəcəyəm. Seçkilərdə iştirak etmək mənim üçün həm qürurverici, həm də maraqlıdır. Fevralın 7-də səsverməyə gedib Azərbaycan üçün ən layiqli namizədə səs verəcəyəm”, - deyə Nazənin Ramazanlı əlavə edib.
Bölmənin digər xəbərləri
