Bakı, 9 sentyabr, AZƏRTAC

İndoneziya Prezidenti Coko Vidodo sentyabrın 10-da ölkənin yeni paytaxtı Nusantaraya köçəcək.

AZƏRTAC xəbər verir ki, bu barədə “Jakarta Globe” nəşri məlumat yayıb.

Bildirilir ki, Coko Vidodo sentyabrın 10-da Nusantaradakı iqamətgahında işə başlayacaq və prezidentlik müddəti bitənə qədər oradakı Qaruda sarayında çalışacaq.

Vidodo İndoneziyanın paytaxtını Cakartadan Kalimantan adasına köçürmək ideyasını 2019-cu ildə irəli sürmüşdü. Əvvəlcə yeni paytaxtın 2024-cü ilədək hazır olması planlaşdırılırdı. Bu məqsədlər üçün təxminən 32 milyard dollar ayrılmışdı, lakin pandemiya səbəbindən layihə bir müddət dayandırılmışdı.

İndoneziyanın yeni seçilmiş prezidenti Prabovo Subianto da Nusantaranı tamamlamağa çalışacağını və ora köçməyə hazır olduğunu bildirib.