İndoneziya Universitetində Azərbaycan Araşdırmalar Mərkəzi yaradılacaq
Bakı, 2 noyabr, Elvin Camalov, AZƏRTAC
Bu ilin sonunda İndoneziya Universitetində Azərbaycan Araşdırmalar Mərkəzi yaradılacaq.
Bu sözləri İndoneziyanın Azərbaycandakı səfiri Hüsnan Bəy Fənani AZƏRTAC-a açıqlamasında deyib.
Səfir bildirib ki, Azərbaycan və İndoneziya arasında ölkələrin tanıdılması, mədəni əlaqələrin genişləndirilməsi üçün bir çox işlər görülür. Bununla bağlı Azərbaycanda təşkil olunan festivallar, sərgilər bu cəhətdən çox faydalıdır.
Səfir qeyd edib ki, hazırda Azərbaycan Dillər Universitetində İndoneziya Araşdırmalar Mərkəzi mövcuddur və fəaliyyətini çox gözəl davam etdirir. Görülən işlərin qarşılıqlı şəkildə effektiv olması üçün, həm də turizm potensialını artırmaq məqsədilə bu ilin sonunda İndoneziya Universitetində Azərbaycan Araşdırmalar Mərkəzi yaradılacaq.
Bölmənin digər xəbərləri
