İNDONEZİYADA DENGE QIZDIRMASINDAN 372 NƏFƏR ÖLMÜŞDÜR

04.03.2004 [19:17]
Çap et
A⁺ A^-

AZƏRTAC-ın “Novosti” agentliyindən aldığı xəbərə görə, İndoneziya Səhiyyə Nazirliyinin nümayəndəsi bildirmişdir ki, ilin əvvəlindən burada denge qızdırmasından 372 nəfər ölmüşdür. Epidemiya ölkənin bütün əyalətlərində tüğyan edir, xəstəliyə yoluxanalrın sayı 24 min 254 nəfərə çatmışdır.

12 milyon əhalisi olan Cakartada təkcə martın 3-də xəstəxanalara 799 xəstə gətirilmişdir. Paytaxt xəstəxanaları o qədər dolmuşdur ki, xəstələri dəhlizlərdə yerləşdirirlər. Qızdırmanı təmiz durğun suda çoxalan ağcaqanadlar yayır. Xəstəliyin əsas əlamətləri yüksək hərarət və daxili qanaxmadır.

Dünya Səhiyyə Təşkilatının məlumtına görə, hər il dünyada denge xəstəliyi yoluxan təxminən 100 milyon adamın 5 faizi ölür.