“Intel” kompaniyasının yeni baş direktoru “çətin qərarını” açıqlayıb
Bakı, 25 aprel, AZƏRTAC
“Intel” çip istehsalçısının yeni rəhbəri Lip-Bu Tan vəzifəsinə başladıqdan cəmi bir neçə həftə sonra iş yerlərinin ixtisarı ilə bağlı qərarını elan edib.
AZƏRTAC xəbər verir ki, Lip-Bu Tan rüblük rəqəmləri təqdim etdikdən sonra kompaniyanın xərcləri azaltmalı, bürokratik maneələri aradan qaldırmalı və iş yerlərini ixtisar edilməli olacağını deyib.
Kompaniyanın maliyyə direktoru David Zinsner isə ixtisarın həcminin hələ müəyyən edilmədiyini bildirib. Buna baxmayaraq, Bloomberg agentliyi çip istehsalçısının tezliklə iş yerlərinin təxminən beşdə birini ləğv edə biləcəyi barədə məlumat yayıb.
Qeyd edək ki, “Intel” kompaniyasının işçilərinin sayı ötən il sentyabr ixtisarlarından sonra 124 mindən 109 minə enmişdi.
Bir vaxtlar yarımkeçiricilər bazarında hökmranlıq edən “Intel” son zamanlar mövqeyini itirməyə davam edir. Kompaniya illərdir problemlərlə mübarizə aparsa da, hələ ki, buna nail ola bilmir. Çip istehsalçısının cari rüb üçün satış proqnozu sərmayədarları daha çox məyus edib. Belə ki, kompaniyanın gəlir proqnozu ikinci rübdə 11,2-12,4 milyard dollaradək gözlənilir. Halbuki analitiklər gəliri təxminən 12,8 milyard dollar arası proqnozlaşdırırdı.
Bölmənin digər xəbərləri
