İQTİSADİYYATA KREDİT QOYULUŞU ÇOXALMIŞDIR

12.12.2005 [11:03]
Çap et
A⁺ A^-

Milli Bankın mətbuat xidmətindən AZƏRTAC-a bildirmişlər ki, dekabrın 1-nə Azərbaycan iqtisadiyyatına cəmi kredit qoyuluşları 6558,0 milyard manat təşkil etmişdir ki, bu da ilin əvvəlinə nisbətən 32,5 faiz, ötən ilin müvafiq dövrü ilə müqayisədə isə 44,2 faiz çoxdur. Kredit qoyuluşlarının 336,8 milyard manatı və ya 5,13 faizi (bank olmayan “Aqrarkredit” təşkilatının vaxtı keçmiş kredit qoyuluşları nəzərə alınmadan) vaxtı keçmiş kreditlərin payına düşmüşdür.

Kreditlərin 4128,4 milyard manatı (62,9 faiz) qısamüddətli, 2429,6 milyard manatı (37 faiz) isə uzunmüddətli olmuşdur.

Dövlət bankları iqtisadiyyata 3276,7 milyard manat (49,96 faiz), özəl banklar 3083,2 milyard manat (47,01 faiz), qeyri-bank kredit təşkilatları isə 198,1 milyard manat (3,02 faiz) kredit qoymuşlar.

Xarici kapitalın iştirakı ilə yaradılan banklar tərəfindən Azərbaycan iqtisadiyyatına 1243,4 milyard manat (18,96 faiz) kredit yönəldilmişdir. 100 faiz xarici kapitalla işləyən banklar isə 118,6 milyard manat (1,81 faiz) kredit vermişlər.

Kreditlərin 2584,9 milyard manatı (39,42 faiz) milli, 3973 milyard manatı (60,58 faiz) isə xarici valyuta ilə verilmişdir.

Kreditlərin 1083 milyard manatı (16,52 faiz) dövlət bölməsinə, 5474 milyard manatı (83,48 fazi) isə özəl bölməyə yönəldilmişdir.

İQTİSADİYYATA KREDİT QOYULUŞU ÇOXALMIŞDIR

MÜƏLLİFLƏ ƏLAQƏ

Bölmənin digər xəbərləri