İranda koronavirusdan ölənlərin sayı 50 mini ötüb
Tehran, 5 dekabr, AZƏRTAC
İranda karantin tədbirlərinin sərtləşdirilməsi koronavirusa yoluxma hallarının azalmasına səbəb olub.
AZƏRTAC xəbər verir ki, son 24 saat ərzində İranda 12 min 151 nəfər koronavirusa yoluxub, 321 nəfər isə həyatını itirib. İranın Səhiyyə Nazirliyinin açıqlamasına görə bu ölkədə koronavirusa yoluxanların ümumi sayı 1, 2 milyona, yoluxaraq ölənlərin sayı isə 50 min 26-ya çatıb.
Xüsusi xəstəxanalarda müalicəsini davam etdirən 5 min 817 xəstənin vəziyyəti ağır olaraq qalır. Müalicəsi uğurla bitən 719 min 708 xəstə isə sağalaraq evə buraxılıb.
İranda tətbiq olunan 2 həftəlik sərt karantin tədbirləri bu gün başa çatıb.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
