İranın Astara dəmir yolu terminalından Azərbaycana ixrac iki dəfədən çox artıb
Tehran, 26 sentyabr, AZƏRTAC
İranın Astara dəmir yolu terminalından Azərbaycana məhsul ixracı iki dəfədən çox artıb.
AZƏRTAC xəbər verir ki, bu sözləri İranın "Şimal-2" Dəmir Yolu İdarəsinin rəisi Qulamhüseyn Vələdi deyib.
Onun sözlərinə görə, bu il Astara dəmir yolu terminalı vasitəsilə Azərbaycana 104,22 min ton məhsul ixrac edilib, bu da ötən ilin eyni dövrü ilə müqayisədə 109 faiz çoxdur. “Pandemiyaya baxmayaraq, İran ilə Azərbaycan arasında idxal-ixrac əməliyyatları davam edib. Vaqonlar dezinfeksiya edildikdən sonra Azərbaycana yola salınıb. Azərbaycana ixrac olunan yüklər arasında kimyəvi maddələr, məişət texnikası və tikinti materialları üstünlük təşkil edib”.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
