İRANLI VELOSİPEDÇİ UZUNMÜDDƏTLİ DÜNYA SƏYAHƏTİNİ BAKIDA BAŞA VURMUŞDUR
Müxtəlif xalqların adət-ənənələri və mədəniyyəti ilə tanış olmaq, sülh və dostluq əlaqələri yaratmaq, ekologiya və ətraf mühit barədə təhqiqat aparmaq məqsədi ilə səfərə çıxan 45 yaşlı Abbas Rəzzaqinin səyahət marşrutu İran–Türkiyə-Yunanıstan–İtaliya–Avstriya–Almaniya–Hollandiya–Belçika–Fransa–Kanada–Braziliya–Uruqvay–Avstraliya–Malayziya–Tailand–Laos–Vyetnam–Banqladeş–Hindistan–Tacikistan–Özbəkistan-Türkmənistan-Azərbaycandan keçmişdir. Səyyah olduğu ölkələrin milli olimpiya komitəsinin rəhbərliyi ilə görüşmüşdür. Bu günlərdə o, Azərbaycan Milli Olimpiya Komitəsinin baş katibi Ağacan Abıyevlə də görüşmək niyyətindədir.
Xatırladaq ki, bu, A.Rəzzaqinin ən uzunmüddətli səyahətidir. O, 25 illik idmançı karyerası müddətində Tehran–İstanbul, Tehran-Afina, Avropa və Afrika qitələri, Tehran-Sofiya marşrutları üzrə dünya səyahətində olmuşdur.
Bölmənin digər xəbərləri
