İRİA rəsmisi: Yerli kibertəhlükəsizlik məhsulu həm yerli, həm də qlobal bazara çıxarılacaq
Bakı, 11 mart, AZƏRTAC
Yerli kibertəhlükəsizlik məhsulu olan “Cypho”nun bazara təqdim edilməsi nəzərdə tutulub. İlin sonunadək isə bu yerli məhsulumuzun qlobal bazara çıxarılması hədəflənib.
AZƏRTAC xəbər verir ki, bu barədə İnnovasiyalar və Rəqəmsal İnkişaf Agentliyinin (İRİA) İnformasiya təhlükəsizliyi departamentinin direktoru Şahmar Hacıyahyayev qurumun 2023-cü iIin hesabatı və 2024-cü ilin hədəflərinə dair mətbuat konfransında deyib.
"2024-cü ilin sonunadək 400 nəfərə yaxın şəxsin təlimlərə cəlb olunması planlaşdırırlır. Azərbaycan Kibertəhlükəsizlik Mərkəzinin (AKM) 3 və 4-cü dalğaları üzrə 2024-cü ildə 120 nəfər məzun olacaq. Həmçinin 60 nəfər üçün "Purple teaming" təlimi təşkil olunacaq. Həmçinin 15 nəfər yerli təlimçinin yetişdirilməsi planlaşdırılır, 60 müəssisədə rəhbərlər şəxslər üçün təlimlər təşkil olunacaq. Eləcə də, 120 nəfərə ixtisaslaşdırılmış məşğələlərin keçirilməsi nəzərdə tutulub. AKM məzunlarının əmək bazarında işlə təmin edilmə göstəricisini minimum 85 faizə yüksəltmək hədəflənib. Bununla yanaşı, "Kibergigiyena" layihəsi çərçivəsində 60 KOB üçün kiberdayanıqlılığın gücləndirilməsi təlimləri təşkil olunacaq", - deyə Ş.Hacıyahyayev əlavə edib.
Bölmənin digər xəbərləri
