İSMAYILLIDA BU İL 6145 TON KARTOF İSTEHSAL OLUNMUŞDUR
İsmayıllı, 22 noyabr (AZƏRTAC). İsmayıllı rayonunun əkinçiliklə məşğul olan torpaq mülkiyyətçiləri bu il 744 hektar sahədə kartof yetişdirmiş, hət hektardan orta hesabla 82,6 sentner məhsul götürmüşlər.
Məhsuldarlıq ötən ildəkinə nisbətən 0,4 sentner artmışdır. Bir sıra ərazi vahidlərində, o cümlədən Həftəsiyab, Burovdal, Əhən, Zərnəva, Təzəkənd, Diyallı, Talıstan kəndlərinin sakinləri daha yüksək məhsuldarlığa nail olmuşlar.
Rayonda kartof əkini sahələri ildən-ilə genişlənir. Təkcə son bir ildə kartof sahələri 100 hektar artmışdır. Bu, hər şeydən əvvəl bazarın tələbatı ilə əlaqədardır. Belə ki, dəmyə şəraitində yetişdirilən və öz kefiyyəti ilə seçilən İsmayıllı kartofuna nəinki ətraf rayonların, eləcə də Bakının bazarlarında yüksək tələbat vardır. Bu da, kartofçuluqla məşğul olan sahibkarların ailə büdcəsinə xeyli gəlir gətirir.
Bölmənin digər xəbərləri
