İsmayıllıda yol qəzası: 35 yaşlı sürücü həyatını itirdi
İsmayıllı, 20 mart, AZƏRTAC
İsmayıllıda baş verən yol-nəqliyyat hadisəsi ölümlə nəticələnib.
AZƏRTAC-ın bölgə müxbiri xəbər verir ki, hadisə gecə saatlarında Qaraməryəm–İsmayıllı–Şəki avtomobil yolunun İsmayıllı rayonu ərazisindən keçən hissəsində qeydə alınıb.
Hərəkətdə olan iki minik avtomobilinin toqquşması nəticəsində sürücü, 35 yaşlı Ayaz Mirzəyev aldığı ağır xəsarətlərdən hadisə yerində həyatını itirib.
Daxili İşlər Nazirliyinin mətbuat xidmətinin regional qrupundan bildirilib ki, faktla bağlı cinayət işi başlanılıb, hadisənin başvermə səbəbləri araşdırılır.
Müxbir- Rəşad Türkoğlu
Bölmənin digər xəbərləri
