İstanbulda çox sayda tropik heyvan müsadirə edilib

21.08.2020 [15:30]
Çap et
A⁺ A^-

İstanbul, 21 avqust, AZƏRTAC

İstanbulda “Vəhşi heyvanlar və bitkilərin nəsli kəsilməkdə olan növlərinin beynəlxalq ticarəti haqqında” Konvensiyaya uyğun olaraq satışı qadağan edilən və ya xüsusi icazə ilə mümkün olan çox sayda tropik heyvan müsadirə edilib.

AZƏRTAC xəbər verir ki, nadir canlılar şəhərin Mütəşəkkil Cinayətlərlə Mübarizə Şöbəsi tərəfindən silah qaçaqmalçılığı ilə məşğul olan bir dəstənin saxlanılması istiqamətində aparılan əməliyyat zamanı aşkarlanıb. Şübhəlilərin ünvanlarına edilən əməliyyat zamanı silah-sursatla yanaşı çox sayda puma, iquana, savanna pişiyi, tovuzquşu, dəvəquşu, yenot, flaminqo və vəhşi qaz ələ keçirilib. Heyvanlar Türkiyənin Təbiətiqoruma və Milli Parklar İdarəsinə təhvil verilib.

Faktla bağlı iki nəfər saxlanılıb.

Günel Məlikova

AZƏRTAC-ın xüsusi müxbiri

İstanbul