İSTİNTAQ-ƏMƏLİYYAT TƏDBİRLƏRİ MÜSBƏT NƏTİCƏSİNİ VERMİŞDİR
Azərbaycanın baş prokuroru Zakir Qaralov AZƏRTAC-ın müxbirinə demişdir ki, ötən il həyata keçirilmiş məqsədyönlü istintaq-əməliyyat tədbirləri nəticəsində keçmiş illərdə törədilməklə bağlı qalan 311 cinayətin, o cümlədən 2 qəsdən adamöldürmə, 7 ölümlə nəticələnən yol-nəqliyyat hadisəsi, 8 quldurluq, 102 özgə əmlakını talama cinayətinin açılması təmin edilmişdir. Eyni zamanda qrup halında 1594 cinayət, həmçinin qəsdən adamöldürmə, adam oğurluğu, quldurluq, hədə-qorxu ilə tələbetmə, soyğunçuluq və digər ağır və xüsusilə ağır cinayətlər törətmiş cinayətkar dəstələr zərərsizləşdirilmiş, həmin cinayətləri törətmiş şəxslərin məsuliyyətə cəlb olunması təmin edilmişdir. Nəticədə cinayətkar qruplar tərəfindən törədilən cinayətlərin sayı 176 fakt və ya 9,9 faiz azalmışdır.
Bölmənin digər xəbərləri
