İsveçdə Stokholm marafonu keçirilir
Stokholm, 31 may, Nərgiz Cəfərli, AZƏRTAC
Bu gün İsveçin paytaxtında 24 minə yaxın insanın iştirak edəcəyi 46-cı Stokholm marafonu keçiriləcək. Bu, yarışın bütün tarixində iştirakçı sayına görə rekord göstəricidir.
AZƏRTAC xəbər verir ki, bu il marafon iştirakçılarının orta yaşı nəzərəçarpacaq dərəcədə azalıb və təxminən 37 yaş təşkil edir. Üstəlik 14 mindən çox insan ilk dəfə məsafəni qət edəcək.
Yüzdən çox ölkənin nümayəndələrinin qatılacağı marafonda iştirakçıların əksəriyyəti İsveçdəndir. İkinci yerdə Böyük Britaniya, ondan sonrakı yerlərdə isə Finlandiya, Almaniya və Fransa nümayəndələri yer alıblar. Təşkilatçılar gənclər, xüsusən də qadınlar arasında qaçışa marağın durmadan artdığını qeyd edirlər.
Marafonun məsafəsi klassik olaraq qalıb – 42 min 195 metr. Həm idmançılar, həm də tamaşaçılar üçün şəraiti yaxşılaşdırmaq marşrutda üçün bəzi dəyişikliklər edilib. İştirakçılar bütün yarış boyu fəal dəstəklə müşayiət olunacaqlar.
Marşrut boyu 17 su nöqtəsi var, onlardan 10-da idman içkiləri də təklif olunur. Bundan əlavə, meyvələr, enerji gelləri, qəhvə və enerji mənbələri olan digər qida zonaları nəzərdə tutulub. Bu il marafon üçün 27 min 500 litr idman içkisi, 50 min litr su və 350 min bioloji parçalana bilən stəkanlara töküləcək 5500 litr kofe hazırlanıb.
Marafon boyu iştirakçıları DJ-lər, musiqi qrupları və fanatlar müşayiət edəcək.
Finiş xəttində hər bir qaçışçını xatirə medalı və marafon rəmzi olan futbolka gözləyir.
Bölmənin digər xəbərləri
