RƏSMİ XRONİKA
İSVEÇRƏ KONFEDERASİYASININ PREZİDENTİ ZATİ-ALİLƏRİ XANIM MİŞELİN KALMİ-REYƏ
Hörmətli xanım Prezident,
İsveçrənin milli bayramı - Konfederasiyanın yaranması günü münasibətilə Sizə və bütün xalqınıza ən səmimi təbriklərimizi yetirirəm.
Bu gün Azərbaycan-İsveçrə münasibətləri dostluq və əməkdaşlıq zəminində inkişaf etməkdədir. Əminəm ki, əlaqələrimizin daha da dərinləşdirilməsi, əməkdaşlığımızın əhatə dairəsinin genişləndirilməsi istiqamətində fəaliyyətimiz xalqlarımızın rifahına yeni-yeni töhfələr verəcəkdir.
Sizə möhkəm cansağlığı, işlərinizdə uğurlar, dost İsveçrə xalqına əmin-amanlıq və firavanlıq diləyirəm.
Hörmətlə,
İlham Əliyev
Azərbaycan Respublikasının Prezidenti
20 iyul 2007-ci il.