İsveçrədə meyvə və tərəvəzlər üçün sellüloz qoruyucu örtük işlənib hazırlanıb
Bakı, 10 yanvar, AZƏRTAC
“Empa” İsveçrə tədqiqat təşkilatından olan alimlər “Lidl Switzerland” şirkəti ilə birgə meyvə və tərəvəzlər üçün sellüloz qoruyucu örtük işləyib hazırlayıblar. AZƏRTAC “Hightech” saytına istinadla xəbər verir ki, o, meyvə və tərəvəzlərin qabığından çıxarıla bilən maddə - cecədən hazırlanıb.
Örtük, meyvə və tərəvəzlərə onların saxlanma müddətini uzatmaq üçün çəkilə bilər. Onun işlənib hazırlanmasına tədqiqatçılar bir ildən çox vaxt sərf ediblər. Aparılmış testlər göstərib ki, örtük çəkilən bananlar on gün müddətində sarı qalırlar, örtüksüz bananlar isə darçını rəng alırdılar. “Empa” laboratoriya müdiri Qustav Nyustremin sözlərinə görə bananların saxlanma müddəti bir həftədən artıq müddətə uzadılıb.
“Böyük məqsəd ondan ibarətdir ki, gələcəkdə bu cür bioörtüklər neft əsasında hazırlanan qablaşdırmanın əksər hissəsini əvəz edə bilsin”, - deyə Qustav Nyustrem bildirib.
Örtük meyvələrin üzərinə tozlandırma yaxud da sous şəklində olan məhlulla çəkilə bilər. Bundan başqa, o asanlıqla yuyulur. Örtük istehlakçı üçün tamamilə zərərsizdir.
Sellüloz qatı “Lidl Switzerland” və meyvə və tərəvəz tədarükçüləri ilə birgə növbəti iki il ərzində testləşdiriləcək və təkmilləşdiriləcək. Yeni texnologiyanın İsveçrə üzrə “Lidl” mağazalarında tətbiqi planlaşdırılır.
Bölmənin digər xəbərləri
