İtaliya kuboku: “Napoli” səfərdə “İnter”i məğlub edib
Bakı, 13 fevral, Nicat Məmmədov, AZƏRTAC
Fevralın 12-də futbol üzrə İtaliya A kubokunun yarımfinal mərhələsinə start verilib.
AZƏRTAC xəbər verir ki, mərhələnin ilk oyunu “Cüzeppe Meatsa” stadionunda baş tutub. “İnter” klubu “Napoli” komandasını qəbul edib. Görüş qonaqların minimal hesabla qələbəsi ilə başa çatıb. Oyunda yeganə qolu 57-ci dəqiqədə Fabian Rui vurub.
Mərhələnin ikinci qarşılaşması isə fevralın 13-də keçiləcək. İki əzəli rəqiblər - “Milan” və “Yuventus” klubları üz-üzə gələcəklər. Qarşılaşma saat 23:45-də başlayacaq.
Xatırladaq ki, “İnter” dörddədir final mərhələsində “Fiorentina”nı (2:1), “Napoli” isə “Latsio”nu (1:0) məğlub edib. “Yuventus” komandası “Roma”nı 3:1 hesabı ilə məğlub edərək yarımfinala vəsiqə qazanıb. “Milan” isə “Torino”dan üstün olub - 4:2.
Bu komandalar arasında cavab qarşılaşmaları martın 4-də və 5-də keçiriləcək.
İtaliya kuboku uğrunda turnirin reqlamentinə əsasən, yarımfinal mərhələsinə qədər qaliblər bir oyunun nəticəsinə əsasən müəyyən edilir.
Bölmənin digər xəbərləri
