İTALİYADA MAFİYALARIN MÜBAHİSƏSİ 6 NƏFƏRİN ÖLÜMÜ VƏ 2 NƏFƏRİN AĞIR YARALANMASI İLƏ NƏTİCƏLƏNMİŞDİR
AZƏRTAC-ın xüsusi müxbiri Frans-Press agentliyinə istinadla xəbər verir ki, İtaliyanın cənubundakı Neapol şəhəri yaxınlığında iki mafiya dəstəsi arasında mübahisə zəminində baş vermiş atışmada 6 nəfər öldürülümş və 2 nəfər yaralanmışdır.
Agentliyin məlumatında bildirilir ki, atışma oyun zallarının birində baş vermişdir. Atışmaya ölkəyə narkotik maddələrin gətirilməsi ilə əlaqədar yerli mafiya ilə xaricilər arasında mübahisə səbəb olmuşdur.
Xatırladaq ki, bölgədə fəaliyyət göstərən Neapol mafiyalarının ayrı-ayrı qrupları arasındakı qanlı mübahisələr son illərdə onlarla insanın həyatına son qoymuşdur.
Bölmənin digər xəbərləri
