İXTİSASARTIRMA KURSLARININ NÖVBƏTİ BURAXILIŞI OLMUŞDUR
Akademiyadan AZƏRTAC-a bildirmişlər ki, “Dövlətin sosial siyasəti: mahiyyət, prioritetlər və həyata keçirilmə mexanizmləri” proqramı üzrə keçirilən kurslarda icra hakimiyyəti orqanlarının, müvafiq nazirlik, komitə və idarələrin rəhbər işçiləri iştirak etmişlər.
Bu kurslar sosial islahatlar şəraitində müvafiq siyasətin hazırlanması və həyata keçirilməsi sahəsində dinləyicilərə yeni bilik verilməsi məqsədi daşıyır.
Tədris-tematik plan dövlətin sosial siyasətinin mahiyyət və başlıca vəzifələrini, sosial siyasətin prioritetlərini və islahatların əsas istiqamətlərini, sosial proqramların formalaşması metodikasını, sosial sahənin təşkilati-idarəetmə və maliyyə təminatını və digər məsələləri əhatə etmişdir.
Kurslarda Qadın Problemləri üzrə Dövlət Komitəsinin sədri Zəhra Quliyeva, Dövlət Sosial Müdafiə Fondunun sədri Səlim Müslümov, Milli Məclisin sosial siyasət daimi komissiyasının sədri Hadı Rəcəbli, Beynəlxalq Miqrasiya Təşkilatının Azərbaycan üzrə Milli Proqramlar rəhbəri Əhməd Şirinov və tanınmış alim-mütəxəssislər dinləyicilər qarşısında sosial siyasətin müasir problemlərinə dair müxtəlif mövzularda mühazirələrlə çıxış etmişlər.
Bölmənin digər xəbərləri
