Kaliforniyanın Ölüm Vadisində Yer üzündə ən güclü istilər qeydə alınıb
Bakı, 18 avqust, AZƏRTAC
ABŞ meteoroloji xidmətinin yaydığı məlumata görə, keçən bazar günü Kaliforniyanın Ölüm Vadisi milli parkında temperatur +54,4 ℃ olub. Bu, planetimizdə indiyə qədər qeydə alınan ən yüksək temperaturdur. Əvvəlki yüksək temperatur göstəricisi (+54 ℃) də həmin yerdə 2013-cü ildə qeydə alınıb.
AZƏRTAC BBC kanalına istinadla xəbər verir ki, yandırıcı istilərin ABŞ-ın Qərb sahilində bir həftə davam edəcəyi və hətta artması gözlənilir.
Şənbə və bazar günləri Kaliforniyada ekstremal hava şəraiti səbəbindən elektrik stansiyasında baş vermiş qəzaya görə elektrik enerjisinin verilməsində kəsilmələr olub.
Hesab edilir ki, bu cür isti şəraitdə keçmiş 1913-cü ilin yay mövsümündə Ölüm Vadisində +56,6 ℃ qeydə alınmışdı. Lakin müasir meteoroloqlar yüz il əvvəl aparılmış ölçmələrin düzgünlüyünə şübhə edirlər.
2016-cı ildə bu məsələni araşdırmış iqlimşünas alim Kristofer Bertin gəldiyi qənaətə görə, təxminən 57 dərəcə istilik haqqında informasiya həmin vaxt regionda toplanan digər məlumatlara ziddir.
Mənbələrdə guya Tunisdə 1931-ci ildə qeydə alınan daha bir qlobal temperatur rekordu: +55 ℃ yer alır. Lakin Bert müstəmləkə dövründə Afrikada əldə edilmiş nəticələri tam etibarlı hesab etmir.
Bölmənin digər xəbərləri
