“KAMAZ”LARDAN NARKOTİK VASİTƏLƏR TAPILIR
Dövlət Gömrük Komitəsinin mətbuat xidmətindən AZƏRTAC-a məlumat vermişlər ki, İran vətəndaşı Orucian Kya ölkəmizə gələrkən Astara gömrükxanasının əməkdaşları tərəfindən saxlanılmış, onun əl yüklərinə baxış zamanı 191 qram həşiş aşkarlanmışdır. Azərbaycan vətəndaşı Oruc Mənsumov "Kamaz"la İrandan ölkəmizə gələrkən yoxlanılmış, avtomaşının kabinasından 4 qram tiryək və 0.7 qram həşiş tapılmışdır.
Astara gömrükxanasının, DİN-nin Narkotiklərlə Mübarizə İdarəsinin Cənub bölgəsi üzrə Regional şöbəsinin və yol polisi əməkdaşlarının birgə keçirdikləri əməliyyat tədbiri nəticəsində rayon sakini Mikayıl Ağayevin üzərindən və idarə etdiyi "Kamaz 5410" markalı avtomaşından 100 qram tiryək, üç qram marixuana və bir qram həşiş müsadirə olunmuşdur.
Bölmənin digər xəbərləri
