“Karvan-Yevlax”la oyun “Kəpəz” üçün əlamətdar olub
Bakı, 13 aprel, AZƏRTAC
Futbol üzrə Azərbaycan Premyer Liqasının XXVII turu “Kəpəz” üçün əlamətdar olub.
AZƏRTAC xəbər verir ki, Gəncə klubu Azərbaycan çempionatının yüksək dəstəsində 350-ci səfər oyununu keçirib. Bu yubiley “Karvan-Yevlax”la matça təsadüf edib.
“Kəpəz” rəqib meydanlarında 164-cü məğlubiyyətini alıb – 1:4. Hesabında 100 qələbə olan qərblilər 86 matçdan bir xalla ayrılıb. 393 qola sevinən Gəncə təmsilçisi 538 top buraxıb.
“Kəpəz” çempionatın tarixində 350 və daha çox səfər matçı keçirən 4-cü komandadır. Yalnız “Qarabağ”, “Neftçi” və “Şamaxı”nın hesabında daha çox səfər görüşü var.
Bölmənin digər xəbərləri
