“KASPİ MƏTBUAT YAYIMI” MMC İNVESTİSİYA MÜSABİQƏSİNİN QALİBİDİR
AZƏRTAC xəbər verir ki, Dövlət Əmlakının İdarə Edilməsi üzrə Dövlət Komitəsi (DƏİEDK) «Azərmətbuatyayımı» Açıq Səhmdar Cəmiyyətinin səhmlərinin satışı üzrə investisiya müsabiqəsi elan etmişdir.
İştirakçıların təqdim etdikləri investisiya layihələri komissiya tərəfindən təhlil olunmuş, müsabiqənin qalibi «Kaspi Mətbuat Yayımı» Məhdud Məsuliyyətli Cəmiyyəti seçilmişdir.
«Kaspi Mətbuat Yayımı»nın MMC təqdim etdiyi İnvestisiya Proqramına və komitə ilə bağlanmış alqı-satqı müqaviləsinə əsasən, səhmdar cəmiyyətinə ildə 450 min manat məbləğində investisiya qoyulacaqdır.
Həmçinin səhmdar tərəfindən 230 min manat məbləğində vəsaitin dövlət büdcəsinə köçürülməsi və silinmək üçün 10 min ədəd dövlət özəlləşdirmə çekinin təqdim edilməsi ilə bağlı öhdəliklər yerinə yetiriləcəkdir.
Bölmənin digər xəbərləri
