Katib: Sloveniyanın və Azərbaycanın böyük turizm potensialı var
Bakı, 17 aprel, AZƏRTAC
Səhiyyə sahəsində Sloveniya ilə Azərbaycan arasında geniş əməkdaşlıq əlaqələri qurula bilər. Bu gün Azərbaycan və Sloveniyanın tibb sahəsində fəaliyyət göstərən şirkətləri arasında müqavilə imzalanacaq.
AZƏRTAC xəbər verir ki, bunu Azərbaycan-Sloveniya biznes-forumunda çıxışı zamanı Sloveniyanın Biznesin İnkişafı Agentliyinin katibi Tanya Drobniç deyib.
Sloveniyanın biznes mühiti barəsində məlumat verən T.Drobniç nəzərə çatdırıb ki, dərman istehsalı sahəsində əməkdaşlıq haqqında danışıqlar aparılır və yerli şirkətlərlə birgə istehsal müəssisəsinin qurulması tərəflər üçün faydalı olar.
“Bununla yanaşı, turizm sahəsində də əməkdaşlıq qura bilərik. Sloveniyanın və Azərbaycanın böyük turizm potensialı var. Turistlərin qarşılıqlı səfərlərini təşkil etməklə bu sahəni daha da inkişaf etdirə bilərik”, - deyən T.Drobniç nəzərə çatdırıb ki, Sloveniyanı təmsil edən iri turizm şirkətləri də biznes-forumda iştirak edəcək.
Bölmənin digər xəbərləri
