KEÇƏN İL TƏRTƏRDƏ KƏND TƏSƏRRÜFATI MƏHSULLARI İSTEHSALI 18,2 FAİZ ARTMIŞDIR
Tərtər, 26 yanvar (AZƏRTAC). Ötən il Tərtər rayonunda 49 milyon 896 min manatlıq kənd təsərrüfatı məhsulları istehsal olunmuşdur. Bu, 2008-ci illə müqayisədə 18,2 faiz çoxdur.
2009-cu ildə rayonda 73 min 209 ton taxıl, o cümlədən 65 min 138 ton buğda, 8.071 ton arpa, 923 ton qarğıdalı, 811 ton günəbaxan, 1.438 ton pambıq, 7.083 ton şəkər çuğunduru, 4.751 ton kartof, 10 min 183 ton tərəvəz, 8.244 ton meyvə, 827 ton üzüm istehsal olunmuşdur. 2008-ci illə müqayisədə buğda istehsalı 25 min 291 ton, qarğıdalı istehsalı 45 ton, kartof istehsalı 125 ton, meyvə istehsalı 127 ton, üzüm istehsalı 20 ton artmışdır.
Keçən il rayonda iribuynuzlu mal-qaranın sayı 23 min 890 baş, qoyun və keçilərin sayı 66 min 767 baş, quşların sayı 239 min 525 baş olmuş, 1698,2 ton ət, 11 min 301,4 ton süd, 103,6 ton yun, 5 milyon 560 min ədəd yumurta istehsal olunmuşdur.
2008-ci illə müqayisədə mal-qaranın sayı 532 baş, qoyun və keçilər 1.405 baş, quşlar 13 min 60 baş artmış, 6,2 ton ət, 561,4 ton süd, 2,6 ton yun, 940 min ədəd yumurta çox istehsal olunmuşdur.
Bölmənin digər xəbərləri
