KEÇƏN İL ZAQATALADA KƏND TƏSƏRRÜFATI MƏHSULLARI İSTEHSALI 7,3 FAİZ ARTMIŞDIR
Zaqatala, 11 yanvar (AZƏRTAC). Ötən il Zaqatala rayonunda 85 milyon 130 min manatlıq kənd təsərrüfatı məhsulları istehsal olunmuşdur. Bu, 2008-ci illə müqayisədə 5 milyon 803 min manat və ya 7,3 faiz çoxdur. Bitkiçilikdə bu artım 10,3 faiz, heyvandarlıq sahəsində isə 2,7 faiz təşkil etmişdir.
Rayon icra hakimiyyətindən bildirmişlər ki, 2009-cu il 53 milyon 130 min manatlıq bitkiçilik məhsulları istehsal olunmuşdur. 2008-ci illə müqayisədə rayonda buğda istehsalı 4 min 721 ton, arpa istehsalı 700 ton, qarğıdalı istehsalı 1135 ton, kartof istehsalı 772 ton, tərəvəz istehsalı 137 ton, tütün istehsalı 143 ton, meyvə istehsalı 836 ton, yaşıl çay istehsalı isə 201 ton artmışdır.
Keçən il rayonda qaramalın sayı 2008-ci illə müqayisədə 300 baş, davarların sayı 595 baş, arı ailələri 700 ailə çoxalmış, ət istehsalı 132 ton, süd istehsalı 1141 ton, yumurta istehsalı 490 min, yun istehsalı 6 ton, bal istehsalı isə 14 ton artmışdır.
Bölmənin digər xəbərləri
