Keçmiş məcburi köçkün: 33 ildən sonra bahar bayramını doğma yurdumuzda qeyd edəcəyik
Ağdam, 14 mart, Tahir Ağaməmmədov, AZƏRTAC
Hər Novruz bayramında Allahdan arzu edirdik ki, növbəti bayramı Qarabağda keçirək. İndi arzularımız gerçəkləşir. 33 ildən sonra bahar bayramını doğma yurdumuzda qeyd edəcəyik.
Bu sözləri Ağdamda AZƏRTAC-ın bölgə müxbirinə açıqlamasında Xocalının Ballıca kəndinə köç edən keçmiş məcburi köçkün Zenfira Hümbətova deyib.
Müzəffər Ali Baş Komandan İlham Əliyevin rəhbərliyi ilə Ordumuzun tarixi Qələbə qazandığını bildirən Zenfira Hümbətova, qəhrəman Vətən övladlarının sayəsində öz doğma yurdlarına qayıtdıqlarını vurğulayıb.
Qeyd edək ki, respublikanın müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış ailələrdən ibarət növbəti köç karvanı Böyük Qayıdış proqramı çərçivəsində martın 14-də Ağdamdan Xocalının Ballıca kəndinə yola salınıb. Bu mərhələdə Ballıca kəndinə 24 ailə - 98 nəfər köçürülür.
Bölmənin digər xəbərləri
