KƏND MƏKTƏBİ YAPONİYA HÖKUMƏTİNİN YARDIMI İLƏ ƏSASLI TƏMİR EDİLMİŞDİR
Yaponiya hökumətinin “Ot kökləri və insan təhlükəsizliyi” qrant yardımı layihəsi çərçivəsində Göygöl rayonunun Köşkü kəndindəki 180 şagird yerlik orta məktəb binası əsaslı təmirdən sonra istifadəyə verilmişdir.
Layihə dəyəri 8 min 200 ABŞ dolları olan təmir işləri yüksək səviyyədə həyata keçirilmişdir.
Məktəbin açılışında çıxış edənlər uzun illərdən bəri əsaslı təmirə ciddi ehtiyacı olan bu təhsil ocağının yenidən qurulmasını yüksək səviyyədə həyata keçirən Yaponiya hökumətinə minnətdarlıq etmişlər.
Sonra Yaponiyanın Bakıdakı səfirliyinin müşaviri Mitsuhiro Kohuo təmsil etdiyi ölkənin son bir neçə ildə Azərbaycanın dağ kəndlərində gördüyü işlərdən danışmışdır.
Açılışı bildirən rəmzi qırmızı lent kəsildikdən sonra müasirləşdirilmiş və lazımi inventarla təmin olunmuş məktəbin sinif otaqlarına və fənn kabinetlərinə baxış keçirilmişdir.
Bölmənin digər xəbərləri
