KƏNDDƏ YENİ MƏKTƏB İSTİFADƏYƏ VERİLMİŞDİR
AZƏRTAC xəbər verir ki, Ordubad rayonunun Aza kəndində 216 şagird yeri olan yeni orta məktəb binasının açılış mərasimi olmuşdur. Rayon icra hakimiyyətinin başçısı Elşad Əliyev, məktəbin direktoru Təvəkkül Məmmədov, müəllimə Münurə Məmmədova çıxış edərək ölkəmizdə təhsilin inkişafına göstərilən dövlət qayğısından danışmışlar. Qeyd edilmişdir ki, son bir ildə Ordubadda yeni Kompüter-Tədris Mərkəzi, qaçqın və məcburi köçkün ailələri üçün 25 ev, dəyirman, Kotam kəndində yeni məktəb binası istifadəyə verilmiş, körpülər salınmış, yollar abadlaşdırılmışdır. Rayonda tikinti və abadlıq işləri bu gün də davam etdirilir.
Naxçıvan Muxtar Respublikası Ali Məclisinin sədri Vasif Talıbov mərasimdə çıxış etmişdir.
Həmin gün məktəbin nəzdində tibb məntəqəsi də açılmışdır.
Bölmənin digər xəbərləri
