Kəngərli rayonunda Baytarlıq İdarəsi üçün yeni bina tikilir
Kəngərli, 2 avqust, AZƏRTAC
Yeni inzibati binanın inşası Naxçıvan Muxtar Respublikası Dövlət Şəhərsalma və Arxitektura Komitəsinin Kəngərli Rayon İdarəsinin inşaatçıları tərəfindən həyata keçirilir.
AZƏRTAC-ın Naxçıvan bürosu xəbər verir ki, zirzəmi ilə birlikdə üç mərtəbədən ibarət olan binanın zirzəmi qatında arxiv, iş otaqları, süni mayalanma avadanlıqlarının, dərmanların saxlanc otaqları, yeməkxana və qazanxana yerləşəcək. Birinci mərtəbədə iş otaqları, laboratoriya, patoloji materialların qəbulu otağı, bakteriologiya və serologiya şöbələri, ikinci mərtəbədə isə iş otaqları, baytar həkimi və sahə baytar məntəqəsi üçün otaqlar olacaq.
İnşaat işlərində keyfiyyət amilinə ciddi önəm verilir, əsasən, yerli materiallardan istifadə olunur, texniki təhlükəsizlik diqqət mərkəzində saxlanılır.
Bölmənin digər xəbərləri
