Keniyada helikopter qəzasında 4 amerikalı turist həlak olub
Bakı, 4 mart, AZƏRTAC
Keniyanın şimalında helikopterin qəzaya uğraması nəticəsində 4 amerikalı turist həlak olub.
AZƏRTAC Associated Press informasiya agentliyinə istinadla xəbər verir ki, yerli polisin məlumatına görə, qəza nəticəsində helikopterin keniyalı pilotu da ölüb. Amerikalı turistləri Mərkəzi Ada Milli Parkı və Turkana gölünə aparan helikopter texniki nasazlıq ucbatından yerə çırpılıb.
Polis idarəsinin rəisi Çarlz Ovino jurnalistlərə bildirib ki, insidentin detallarının dəqiqləşdirilməsi üçün təhqiqat aparılır.
Bölmənin digər xəbərləri
