KENİYADA PULLARININ DÜZÜLÜŞÜ “ALLAHÜ-ƏKBƏR” SÖZLƏRİNƏ BƏNZƏYƏN BALIQ OĞURLANMIŞDIR
Keniya Balıqçılıq Departamentindən pullarının düzülüşü “Allahü-əkbər” sözlərinə bənzəyən tunes balığı oğurlanmışdır. AZƏRTAC Bi-Bi-Si-yə istinadla xəbər verir ki, hakimiyyət nümayəndələrinin sözlərinə görə, oğrular özlərini Milli Muzeyin əməkdaşları kimi təqdim edərək, balığı maneəsiz götürüb aparmışlar.
2,5 kiloqramlıq balıq bu yaxınlarda tutulmuşdu. Balığın üstündəki pulların düzülüşünün “Allahü-əkbər” sözlərinə bənzəməsini mağazanın satıcısı görmüşdür. Bundan sonra balıq muzeyə verilmək üçün balıqçılıq departamentinə gətirilmişdi.
Departamentin nümayəndəsinin sözlərinə görə, oğurluq hadisəsindən əvvəl onlara bir neçə dəfə balığı satmağı təklif etmişdilər.
Bölmənin digər xəbərləri
