İQTİSADİYYAT
Kibermüharibə yarışının I mərhələsinin qalibləri məlum olub
Bakı, 16 sentyabr, AZƏRTAC
Oktyabrın 26-27-də Azərbaycanda ilk dəfə təşkil olunacaq Azərbaycan Respublikası Xüsusi Rabitə və İnformasiya Təhlükəsizliyi Dövlət Xidməti (XRİTDX) və Azərbaycan Respublikası Dövlət Təhlükəsizliyi Xidmətinin birgə təşkilatçılığı ilə baş tutacaq CIDC-2023 (Critical Infrastructure Defence Challange) tədbirinin “Kibermüharibə” yarışının Kibermüharibə yarışı, kiberhəllər sərgisi, konfrans, “Hack The Future” proqramı üzrə təlimləri özündə birləşdirən I onlayn mərhələsi uğurla başa çatıb.
Dövlət Xidmətindən AZƏRTAC-a bildirilib ki, dövlət qurumlarının, bankların, kritik infrastrukturların, provayder və operatorların eyni zamanda təhsil müəssisələrinin 41 komanda ilə qatıldığı “Kibermüharibə” yarışının I baza keçid mərhələsi sentyabrın15-də saat 22.00-da başa çatıb. İlk mərhələdə əldə etdikləri nəticələrə uyğun olaraq ən yüksək nəticə göstərmiş komandaların sıralamasında ilk beşlikdə Kapital Bank - “CyberKapitalists”; PASHA Bank - “Old School”; Expressbank - “Xpr3ss1337”, Rəqəmsal İnkişaf və Nəqliyyat Nazirliyi - “Digital Rangers” və Dövlət Gömrük Komitəsi - “Customs” komandaları qərarlaşıb. Həmçinin Azərbaycan Respublikası Dövlət Neft Şirkəti - “UEIB”, Əmək və Əhalinin Sosial Müdafiəsi Nazirliyi - “KiberDost”, Global Service Provider - “NetVault31337”, Fövqəladə Hallar Nazirliyi - “1 Group”, Prezident Təhlükəsizlik Xidməti - “Iron Fist”, Azərbaycan Kibertəhlükəsizlik Mərkəzi (İnnovasiya və Rəqəmsal İnkişaf Agentliyi) - “ACC Predators”, Azərbaycan Respublikası Elm və Təhsil Nazirliyi - “TechLockDown”, Azərbaycan Respublikası Müdafiə Nazirliyi - “MoD of Azerbaijan”, Baki Ali Neft Məktəbi - “Squadron”, Azərbaycan Respublikasının Mərkəzi Bankı - “CBAR_Team”, PASHA Technology LLC - “This is the way”, Azərbaycan-Fransız Universitetinin - UFAZ - “CyberSiege”, Azərbaycan İnvestisiya Holdinqi - “AİH”, Vətəndaşlara Xidmət və Sosial İnnovasiyalar üzrə Dövlət Agentliyi - “AS4NS3C”, Azercell - “CyberCell”, Azerconnect - “CevahirTeam”, AFB BANK ASC - “AzeIntruders”, Unibank - “UniCyberWarriors”, ADA Universiteti - “Firewall Force”, AZINTELECOM - “Seclusion”, Simbrella Bakı LLC - “SIMOPS”, İqtisadiyyat Nazirliyi - “Cyber Force”, Ədliyyə Nazirliyi - “CyberJustice”, Azer Turk Bank - “Bastion”, Səhiyyə Nazirliyi - “SN”, Azərbaycan Respublikası Prezidentinin İşlər İdarəsi - “0x5041” komandaları ikinci mərhələyə keçib.
Digər komandaların nəticələri ilə müqayisədə nisbətən aşağı nəticə göstərmiş son 10 komandanın hazırkı “Kibermüharibə” yarışındakı mübarizəsi sona çatıb.
Qeyd edək ki, I və II mərhələ onlayn qaydada sonuncu - III mərhələ isə finala çıxmış 20 komanda ilə fiziki məkanda - “Kongress Hall”da CIDC-2023 tədbirləri çərçivəsində “kibermüharibə” şəraitində keçiriləcək.