Kiyev və Vaşinqton Ukraynanın mineral ehtiyatlarına dair razılaşma memorandumu imzalayıblar
Kiyev, 18 aprel, AZƏRTAC
Ukrayna və ABŞ Ukraynanın mineral ehtiyatlarına dair razılaşma memorandumu imzalayıb.
Bu barədə AZƏRTAC Ukraynanın baş nazirin birinci müavini və iqtisadiyyat naziri Yuliya Sviridenkonun “Facebook” səhifəsinə istinadla məlumat yayıb.
“Bu gün biz ABŞ-la birgə İqtisadi Tərəfdaşlıq Sazişi istiqamətində addım atdıq. Ukrayna və Amerika Birləşmiş Ştatları konstruktiv birgə işi və hər iki xalq üçün faydalı olacaq sazişi yekunlaşdırmaq və bağlamaq niyyətini nümayiş etdirən Memorandum imzalayıb”, - deyə bildirib.
Sviridenko həmçinin bəyan edib ki, ölkəsi Ukraynanın Bərpası üçün İnvestisiya Fondu yaratmağa hazırlaşır.
“Müvafiq saziş əhəmiyyətli investisiyalar, infrastrukturun modernləşdirilməsi və Ukrayna ilə ABŞ arasında qarşılıqlı faydalı tərəfdaşlıq üçün imkanlar açacaq”, - deyə nazir bildirib.
“Qarşıda Sazişin mətninin yekunlaşdırılması və imzalanması var. Sonra isə parlamentlər tərəfindən ratifikasiya olunacaq”, - deyə nazir qeyd edib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
