ELM VƏ TƏHSİL
KLASSİK AZƏRBAYCAN ƏDƏBİYYATI NÜMUNƏLƏRİ İNTERNETDƏ
Soros Fondu – Açıq Cəmiyyət İnstitutu 2002-ci ildə beynəlxalq “Qutenberq” layihəsi çərçivəsində “İnformasiya resurslarının Azərbaycan dilində latın qrafikasında yaradılması və yayılması” müsabiqəsini elan etmişdi.
AZƏRTAC-ın müxbiri xəbər verir ki, bu müsabiqədə üç təşkilat – Azərbaycan Milli Elmlər Akademiyasının Nizami adına Ədəbiyyat İnstitutu, M.F.Axundov adına Dövlət kitabxanası və Xəzər Universiteti qalib gəlmişlər. Layihənin məqsədi latın qrafikası ilə çap olunmuş bədii əsərlərin elektron variantlarını İnternet vasitəsilə dünyaya yaymaqdan ibarətdir.
Artıq layihə başa çatmaq üzrədir. İndiyə qədər XIX əsrdə və XX əsrin birinci yarısında yaşayan müəlliflərin – Xurşud banu Natəvan, Əbülqasım Nəbati, Seyid Əzim Şirvani, Abbasqulu ağa Bakıxanov, Qasım bəy Zakir, Nəcəf bəy Vəzirov, Mirzə Fətəli Axundov, Mirzə Ələkbər Sabir, Əbdürrəhim bəy Haqverdiyev, Nəriman Nərimanov, Cəlil Məmmədquluzadənin əsərlərinin elektron versiyası işlənmişdir.